Burahin ang Mindship account mo

Sa app

1. Buksan ang Mindship at pumunta sa Profile.
2. I-tap ang gear icon sa itaas para buksan ang Settings.
3. I-tap ang Delete Account, tapos Delete para kumpirmahin.

Agad na nabubura ang account at data mo, at masa-sign out ka.

Sa email

Wala na ang app sa iyo? Mag-email sa support@mindship.me na may subject na “Delete my account”, mula sa email na ginagamit mo sa pag-sign in. Buburahin namin ang account na iyon at ang data na nakalista sa ibaba, at sasagot kami sa loob ng 30 araw.

Kung ginagamit mo ang Mindship nang hindi nagsa-sign in, o nag-sign in ka gamit ang Apple at itinago ang email mo, burahin ang account sa app: hindi namin ito mahahanap gamit ang email address mo.

Ano ang nabubura

• Ang sign-in mo: email address at Apple o Google login
• Ang profile mo: pangalan, goals at reminder settings
• Mga breath test, ang mga resulta nito at mga recording na sinusuri pa
• Practice history, favorites, feedback at programs
• Ang mga record namin ng mga purchase mo, ng mga email at notification na ipinadala namin sa iyo, at ng ad o link kung saan mo na-install ang app

Hinihiling din namin sa breath analysis service namin, sa RevenueCat (subscriptions) at sa Reteno (emails at push notifications) na burahin ang hawak nila tungkol sa iyo.

Ano ang pinapanatili

• Mga record ng purchase sa store. May sariling record ang Google Play at Apple ng mga bayad mo, halimbawa para sa batas sa buwis. Hindi namin ito mabubura.
• Mga recording ng paghinga na walang nagsasalita. Maaari naming panatilihin ang mga ito nang walang takdang panahon para pagandahin ang breath analysis. Walang nag-uugnay nito sa iyo — walang account ID, email o resulta ng test — kaya hindi rin namin mahahanap ang mga ito para burahin.
• Analytics at crash reports. Pinapanatili ng PostHog, AppsFlyer at Firebase Crashlytics ang app usage events at crash reports na naka-link sa random na account ID, hindi sa pangalan o email mo, ayon sa sarili nilang retention period.
• Logs at statistics. Ang server logs na maaaring may account ID mo ay binubura pagkalipas ng 30 araw. Pinapanatili ang record ng pagbura (ang random na ID ng account at ang petsa) at ang mga anonymous na statistics.
• Ang mga backup ay maaaring may kopya sa limitadong panahon, hanggang mapalitan ang mga ito.

Mga tanong

Sumulat sa support@mindship.me. Basahin pa sa Privacy Policy namin at sa page ng Support.